Transformatsiya va strategik rivojlanish ofisi 2022-yil 19-sentabrda tashkil etilgan bo‘lib, uning asosiy maqsadi – Jahon iqtisodiyoti va diplomatiyz universitetining (JIDU) global ta’lim makonida raqobatbardoshligini oshirish, xalqaro akkreditatsiya talablariga javob berish hamda nufuzli xalqaro reytinglarda yuqori o‘rinlarni egallashni ta’minlashdan iborat.

Ofis faoliyati universitetning strategik rivojlanishi, ta’lim jarayonini modernizatsiya qilish va xalqaro ta’lim standartlarini joriy etishga qaratilgan. Uning asosiy vazifalari quyidagilardan iborat:

-universitetning ta’lim jarayoni va infratuzilmasini modernizatsiya qilishga qaratilgan xorijiy tajribalarni o‘rganish va tahliliy takliflar ishlab chiqish;

-universitetda xalqaro akkreditatsiya jarayonlarini tashkil etish va muvofiqlashtirish;

-ta’lim transformatsiyasi jarayonlarini rejalashtirish va amalga oshirish;

-strategik rivojlanish dasturi hamda tegishli tadbirlar rejasini ishlab chiqish va uning ijrosini monitoring qilish;

-universitetning xalqaro reytinglardagi (“THE”, “QS” va boshqalar) pozitsiyasini oshirish;

-ta’lim sifati kafolati tizimini takomillashtirish va xalqaro talablar asosida mexanizmlar joriy etish;

-professor-o‘qituvchilar hamda xodimlarning faoliyatini KPI tizimi asosida baholash.

Ofis, shuningdek, universitet brendini xalqaro miqyosda mustahkamlash hamda ta’lim va boshqaruvda innovatsion yondashuvlarni joriy etishga xizmat qiladi.

Ofis tarkibi

1. Bosh mutaxassis (Strategik rivojlanish va xalqaro reytinglar)

Universitetning “THE”, “QS” va boshqa xalqaro reytinglardagi o‘rnini mustahkamlash bo‘yicha strategiyalarni ishlab chiqish, natijalarni tahlil qilish va rivojlantirish bo‘yicha takliflar tayyorlash uchun mas’ul.

2. Bosh mutaxassis (Ta’lim sifatini kafolatlash va xalqaro akkreditatsiya)

Xalqaro akkreditatsiya jarayonlarini tashkil etish, universitet ta’lim tizimini xalqaro standartlarga moslashtirish va akademik sifatni ta’minlash mexanizmlarini joriy etish uchun javobgar.

Ofis bilan bog'lanish uchun:

📧 Elektron pochta: transformation@uwed.uz

📞 Telefon: +998 (71) 267-08-09 (ichki raqam: 221)

🏢 Manzil: JIDU, korpus “B”, 515-xona