Joriy yilning 26-aprel kuni Jahon iqtisodiyoti va diplomatiya universitetiga Niderlandiya Qirolligidan ushbu mamlakatning O‘zbekiston Respublikasidagi Favqulodda va Muxtor Elchisi Niko Shermers boshchiligidagi delegatsiya tashrif buyurdi. Elchi bilan Oliy Majlis Senati Raisining birinchi o‘rinbosari, JIDU rektori Sodiq Safoyev uchrashdi. Suhbat davomida tomonlar ikki mamlakat o‘rtasidagi ko‘p qirrali munosabatlar, jumladan, fan va ta’lim sohasi istiqbollarini muhokama qildilar. Toshkentda Niderlandiya Qirolligining diplomatik vakolatxonasini ochish rejalari haqida ma’lumot berar ekan, elchi ushbu tadbir mamlakatlar o‘rtasidagi siyosiy, iqtisodiy va madaniy aloqalarni mustahkamlaydigan strategik qadam sifatida baholanishini ta’kidladi. Uchrashuv yakunida Niderlandiya delegatsiyasi a’zolari ishtirokida “Yevropa diplomatiyasi” mavzusida ma’ruza o‘tkazildi. Talabalar muhokamada qatnashib, o‘zlarini qiziqtirgan savollarga javob oldilar.
Joriy yilning 19-aprel kuni O‘zbekiston Xalqaro Arbitraj sudlari Birlashmasi raisi Nazirjon Tog‘ayev va rais o‘rinbosari Sherali Yunusov Jahon iqtisodiyoti va diplomatiya universiteti Yuridik klinikasiga tashrif buyurishdi. Tashrif davomida Assotsiatsiya vakillari JIDU talabalari bilan trening va suhbat o‘tkazdi va ularning savollariga javob berdi. Bundan tashqari, ular hakamlik sudlarida ishlarni ko‘rib chiqish bo‘yicha master-klass o‘tkazdilar.
Jahon iqtisodiyoti va diplomatiya universitetiga Sirakuza universiteti (AQSh) qoshidagi nogironlik huquqi klinikasi rahbari, professor Maykl Shvarts tashrif buyurdi. Professor Shvarts tashrifi davomida Toshkentga taklif tashabbuskori bo‘lgan JIDU yuridik klinikasi faoliyati bilan tanishdi. Ilmiy, pedagogik va ijtimoiy faoliyati haqida batafsil gapirib berdi. Tajriba almashgandan so‘ng, JIDU va Sirakuza universiteti yuridik klinikalari nogironlar huquqlarini himoya qilish bo'yicha hamkorlik rejalarini tuzdilar. Maykl Shvarts JIDUdan tashqari boshqa universitetlarda, shuningdek, Sudyalar oliy maktabi va O‘zbekiston nogironlar uyushmasida uchrashuvlar o‘tkazdi.
Jahon iqtisodiyoti va diplomatiya universitetida joriy yilning 23-24-aprel kunlari O‘zbekistonning Jahon savdo tashkilotiga (JST) a’zo bo‘lish jarayoniga ko‘maklashish maqsadida tashkil etilgan sanitariya va fitosanitariya choralari (SFS) va savdo-sotiqdagi texnik to‘siqlar (TBT) masalalari bo‘yicha kurslar tashkil etildi. Tadbir JIDUning Xalqaro huquq fakulteti tomonidan Jenevada joylashgan Xalqaro savdo markazi (XSM) hamda JST va BMT qo‘shma agentligi bilan hamkorlikda tashkil etildi. Kursning yetakchi eksperti sifatida XSMning ushbu sohalar bo‘yicha katta maslahatchisi Artur Appleton ishtirok etdi. Kurs dasturi SFS va TBT kelishuvining tamoyillari, ko'lami va majburiyatlari hamda ularning xalqaro savdoga ta’siri, shu jumladan bozorga kirish va savdo imkoniyatlari ta'siriga qaratildi. Ushbu dastur auditoriyasi o‘z ichiga respublika vazirliklari va idoralari vakillari, savdo muzokarachilari, SFS va TBT masalalari bilan shug‘ullanuvchi qishloq xo‘jaligi va boshqa tarmoqlar mutaxassislari, shuningdek, O‘zbekistonning JSTga a’zo bo‘lish jarayoniga jalb qilingan manfaatdorlarni qamrab oldi. Ma’lumot uchun: Artur Appleton – Boloniyadagi Jon Xopkins universiteti ilg‘or xalqaro tadqiqotlar maktabining (SAIS-Europe) xalqaro huquq kafedrasi dotsenti va Appleton Luff - International Lawyers asoschilaridan biri. U xalqaro savdo huquqi sohasida 30 yildan ortiq tajribaga ega hisoblanib, alohida davlatlar, xalqaro tashkilotlar va kompaniyalar bilan ishlaydi.
Joriy yilning 24-aprel kuni Jahon iqtisodiyoti va diplomatiya universitetida Xitoy tilida notiqlik san’ati tanlovi bo‘lib o‘tdi, unda universitetning Xitoy tilini o‘rganayotgan 2-3-bosqich talabalari ishtirok etdi. Tanlov uch qismdan iborat edi: Xitoy tilida “Dunyo – bir oila” mavzusida nutq so‘zlash, Xitoy Xalq Respublikasi tarixi, geografiyasi va madaniyatini bilish uchun testlar va ijodiy qism. Tanlovning ijodiy qismida ishtirokchilar qo‘shiqlar, raqslar ijro etishdi, Xitoy tilida she’rlar o‘qishdi. Hakamlar hay’ati tarkibiga Toshkent davlat sharqshunoslik universiteti xitoy tili o‘qituvchilari, xitoy tilida so‘zlashuvchi ko‘ngillilar va JIDU Sharq tillari kafedrasi o‘qituvchilari kirdi. Tanlovda 3-bosqich talabalari Nosirov Bunyod va Po‘latov Jaxongir, 2-bosqich talabasi Shodaliyeva Moida g‘olib deb topildi. Nosirov Bunyod va Po‘latov Jahongir joriy yilning may oyida bo‘lib o‘tadigan xitoy tilidagi Respublika notiqlik san’ati tanlovida JIDU nomidan qatnashadilar.
Joriy yilning 23-25-aprel kunlari Jahon iqtisodiyoti va diplomatiya universitetida JIDU Executive Education fakulteti tomonidan Senteo (AQSh) konsalting kompaniyasi bilan hamkorlikda “Yetakchilik va korporativ madaniyatni rivojlantirish” ta’lim dasturi bo’lib o’tdi. Unda davlat ulushiga ega bo‘lgan islohot va faoliyat samaradorligini oshirishga qaratilgan korxonalarning rahbar va mutaxassislari ishtirok etdi. Dastur tinglovchilarda korporativ madaniyatning harakatlantiruvchi kuchlari va mexanizmlari, muvaffaqiyat va o‘sishga erishish uchun tashkiliy madaniyatni loyihalash va rivojlantirish usullari to‘g‘risida tizimli tushunchalarni rivojlantirishga qaratilgan. Dastur korporativ madaniyat elementlari, yetakchilik uslublari va korporativ madaniyatni boshqarish evolyutsiyasini ilg‘or xalqaro tajribalar asosida tanishtirdi. Darslarni Senteo bosh direktori Maykl Rakman olib boradi. U xalqaro kompaniyalarda, shuningdek menejment-konsalting sohasida ko‘p yillik amaliy tajribaga ega. Rakman muntazam ravishda dunyoning etakchi universitetlarida shunga o‘xshash dasturlarni olib boradi. Dastur doirasida O‘zbekistonning xususiyatlarini inobatga olgan holda real xalqaro amaliyotdan misollar (keyslar) bilan interfaol seminarlar va muhokamalar o‘tkazildi. Ushbu ta’lim dasturi O‘zbekiston hukumati tomonidan davlat ishtirokida korxonalarni isloh qilish bo‘yicha keng ko‘lamli dastur amalga oshirilayotgani bilan alohida ahamiyat kasb etadi. Xalqaro tajriba shuni ko'rsatadiki, korporativ madaniyatni o'zgartirish jarayonlari va yetakchilik asoslarini muvaffaqiyatli amalga oshirish uchun tayyorgarlik, loyihalash, amalga oshirish va boshqarishda innovatsion yondashuvlar talab etiladi. Ma’lumot uchun. Executive Education fakultetining asosiy vazifalari yetakchi xorijiy universitetlar va kompaniyalar bilan hamkorlikda eng yangi texnologiyalar va ilg‘or xalqaro tajribani jalb etish orqali davlat muassasalari, iqtisodiy tuzilmalar va tadbirkorlarning boshqaruv bo'g'inini zamonaviy boshqaruv usullariga o'rgatishdan iborat. Senteo konsalting kompaniyasi strategiya va menejment, korporativ madaniyatni rivojlantirish va transformatsiyaga ixtisoslashgan. Senteo mijozlari ro‘yxatiga IBM, Renault, IKEA, Telefonica, Wembley, Vodafone, Barclays, UBS, Alfa-bank, BNP-Paribas, Citibank, Megafon, Gruziya Adliya vazirligi va boshqalar kiradi.
Joriy yilning 24-aprel kuni Jahon iqtisodiyoti va diplomatiya universitetida Polsha xalqaro aloqalar markazi (CSM) direktori, Varshava universiteti professori Malgorzata Bonikovska bilan uchrashuv bo‘lib o‘tdi. Professor Bonikovska o‘z nutqida Yevropa Ittifoqining tashkil topish tarixi, uning institutsional shakllanishiga to‘xtalib, hozirgi siyosiy va iqtisodiy holat hamda Yevropa Ittifoqining keyingi rivojlanish istiqbollari haqida umumiy ma’lumot berdi. Ma’ruzadan so‘ng munozara bo‘lib o‘tdi, unda talabalar polshalik olimga o‘zlarini qiziqtirgan savollarni berishdi.
Joriy yilning 23-aprel kuni Jahon iqtisodiyoti va diplomatiya universitetida “Zamonaviy ayol-liderlar obrazi” turkumi doirasida muhokamalar bo‘lib o‘tdi. JIDU Xotin-qizlar qo‘mitasi Kengashi va “Lider” ayollar klubi hamkorligida tashkil etilgan tadbirda Toshkent shahar ichki ishlar bosh boshqarmasi boshlig‘ining o‘rinbosari, podpolkovnik Shirin Normatova, universitet professor-o‘qituvchilari va talabalari ishtirok etdi. Uchrashuvda xotin-qizlarning qonuniy manfaatlarini himoya qilish, erkaklar bilan teng huquqliligini ta’minlash masalalari muhokama qilindi. Zamonaviy dunyoda xotin-qizlarning ijtimoiy-siyosiy o‘rni, ularning muvaffaqiyatli kasbiy martaba yo‘lidagi qolip va qiyinchiliklarni yengib o‘tishiga alohida e’tibor qaratilmoqda. Tadbir gender tengligini ta’minlash, lider ayollarni qo‘llab-quvvatlash masalalari yuzasidan fikr almashish uchun samarali forumga aylandi.
